About

සිදංගනා

සිදංගනා

නුඹෙ සිරික්කියට

නුඹෙ සිරික්කියට

2012 සුභ නව වසරක්

alt

    හැම දවසක්ම හොඳ දවසක්!

"සිසාරා" වෙබ් අඩවියට පැමිණි ඔබ සැමට ලැබුවා වූ 2012 නව වසර "සුබ අළුත් අවුරුද්දක් වේවා!" කියල ප්‍රර්ථනා කරනවා.

දිග ඉතිහාසයකට හිමිකම් කියන "මායන්" වරුන්ගේ දින දර්ශනය වසර 2012 න් අවසන් වෙනවා. ඒ කියන්නේ මේ වර්ෂයේ දී ලෝක විනාශයක් වෙන බව ද? "2012" නමින් චිත්‍රපටයකුත් නිෂ්පාදනය වුණා. ඒත් එහෙම දෙයක් ගැන දැනට නම් විද්‍යාවෙන් අනාවැකි කියවිලා නෑ.

අපේ ම කියලා හැදියාවක් ඇති සිංහලයින්ට නව වසර උදාවෙන්නේ අප්‍රේල් මාසයේදී යි. සිංහල මාස ක්‍රමයට නම් බක් මාසයේදීයි. ඒත් ජාත්‍යන්තරයත් එක්ක කටයුතු කරනකොට ජනවාරි මාසයෙන් ඇරඹෙන දින දර්ශනයට අනුව හිතන්න වෙනවා. ලෝකයේ නොයෙක් රටවල ආර්ථික කටයුතු හා බැඳුන මුදල් වර්ෂය ඒ ඒ රටවලට හුරු විදියටයි යොදා ගැනෙන්නේ.

මොන ආකාරයට අවුරුද්ද සැලකුවා වුණත් දින-මාස-අවුරුදු කියන්නේ කාලය මනින මිණුම්. තත්පරයෙන් සියයෙන් පංගුව තරම් කුඩා මිණුම් වගේම ආලෝක වර්ෂ වැනි ඇති විශාල මිණුම් අද දවසේ විද්‍යාවේ මැනීම් සඳහා භාවිත කරනවා. සාහිත්‍යයේ දී "කල්පයත්" එක කාල මානයක්.

මොනවා වුණත් තවත් අවුරුද්දක් ගෙවිලා, අළුත් අවුරුද්දක් ලබලා.

"අවුරුද්දක් - අළුත් අවුරුද්දක්
මෙන්න ඇවිල්ලා
අවුරුද්දක් - අළුත් අවුරුද්දක්
ගෙවිල ගිහිල්ලා..."

ඕස්ට්‍රේලියාවේ මෙල්බර්න් නුවර සිංහල රූපවාහිනී වැඩසටහනක් වෙනුවෙන් එහි ඉන්න අපේ ළමුන් පිරිසක් ගායනා කළ ගීයක මුල් කොටසයි ඒ. අපගේ පද රචනයට තනුව හා සංගීතය නිර්මාණය කළේ මෙල්බර්න් නුවරම ඉන්න වාසනා වීරකෝන් සංගීතාචාර්යවරියයි.

අපේ මුතු මිත්තන් කාලය මැන්නේ පෝයෙන් - පෝයට. දැන් අපි මාස ක්‍රමයට හුරු වෙලා. ඒ මොනවා වුණත් පැයෙන් පැය, දවසින් - දවස අවුරුද්දේ වයස පිරෙනවා. ඉතින් ඒ හැම දවසක් ම හොඳ දවසක් වෙන්න කියලයි අපේ අළුත් අවුරුදු ප්‍රාර්ථනාව.

"පෝය පෝය ගැන්න වුණත්
මාස මාස ගැන්න වුණත්
දවස්වලින් අවුරුද්දේ වයස පිරෙනවා
හැම දවසම හොඳ දවසක් වෙන්න පතනවා!"

දියකැටපහණ

alt

දියකැටපහන යනු වැවක ජල මට්ටම මැණීම සඳහා කෙලින් අතට සිටවනු ලබන කණුවයි. වැව් තැනීම නැතහොත් වාපි කර්මාන්තය සිවිල් ඉංජිනේරු ක්‍ෂ්ස්ත්‍රයට අයත් කර්මාන්තයකි.
ඕස්ට්‍රේලියාවේ නොමිලයේ බෙදාහැරෙන "සිහනද " මාසිකය වෙනුවෙන් ලියවෙන "දියකැටපහන" ලිපිපෙළ සිවිල් ඉංජිනේරු ක්‍ෂ්ස්ත්‍රයේ විවිධ ඉසව්වලට අයත් දේ පිළිබඳව සරළව සිංහලෙන් පැහැදිලි කිරීමට ගන්නා උත්සාහයකි.
 
"සිහනද " මාසිකයේ පළවූ ලිපි "සිසාරා " වෙබ් අඩවියේ පළකිරීමට එකඟතාවය පළකල එම කතෘ මණ්ඩලයට අපගේ කෘතඥතාවය හිමිවෙයි.